小妹🤦🏻♀️：［NO👀C系列］日日都有人衝出嚟__🕺🏽！Btw, 有D銀行可以揀auto-sweeping，唔使驚彈票～
**轉載自[銀行小薯仔]分享**
其實想提醒大家一句， 銀行嘅電腦系統通常都唔會死錯人， 各位唔想出醜嘅就質疑之前先諗清楚好D!
話說銀行有一款一年期嘅定期，利息分開每個月派一次， 而定期單上就會顯示十二個月後所得回嘅本金及過往12期所得嘅利息總數。
某日， 一位阿姑因為支票戶口無足夠結存而被退票。 阿姑就堅持係跟住定期單嘅本金連利息金額嚟開票， 而家唔夠數就梗係我哋銀行呃咗佢利息， 無跟定期單俾足利息佢啦， 仲順便呃埋佢退票手續費。。。
阿姑可能覺得一個女人找悔氣唔夠兇， 仲拉埋巴士阿叔老公嚟助威， 一嚟就無視排到出門口嘅人龍，衝去櫃位打尖入數， 順便喊打喊殺咁鬧足小妹半個鐘，講到我哋成間銀行都欠左佢咁。。。
其實呢啲情況小妹見得多， 多數係客人過去一年裡面用左先前派俾佢嘅利息，所以先至唔夠數。 咁小妹當然好禮貌咁請阿叔阿姑回想下係咪用過戶口嘅利息啦! 阿叔阿姑就當然否認仲指責小妹屈佢啦。
小妹表示需要時間幫佢曬返過去一年嘅月結單啦， 而退票手續費就會首先即日退回。阿叔阿姑聽到要等月結單返嚟先有結果， 當然又係一輪指駡加唔肯走啦。。。
唉， 其實前線銀行人返工就係負責俾人出氣。。。。
事態發展就正如小妹所料， 阿姑早前用咗戶口嘅利息嚟交咭數， 所以咪開票唔夠錢扣囉!! 覆返阿姑之後， 佢首先不認不認， 到後來終需認。 但係仲要求小妹免費送埋價值$600嘅過去一年月結單俾佢喎!
小妹今次係拒絕嘅！點解D人可以咁老馮同厚面皮， 無啦啦鬧人一大餐唔道歉， 幫你查完又唔該都無句都算啦! 人地都refund返退票手續費俾你啦， 仲要得寸進尺要送埋statement?!!
---------------------------------------------
如果你都想分享在銀行的經歷，歡迎投稿：http://bit.ly/2hoa7Ng
Search